انا جيبلكم باقي القصة اتمنى نقضو امتع الاوقات

[ندعوك للتسجيل في المنتدى أو التعريف بنفسك لمعاينة هذه الصورة]'



-------------------------------

البعض استغرب من جرأتي وطرحي لقصتي وكان ممكن غيري احتفظ فيها لنفسه بدل مايشهرها
لكن انا حبيت اقولها بكل تفاصيلها لاني عارفة ومتاكدة في غيري ماشي بنفس هذا الطريق
وادعو الله تكون ناصحة وراشدة وواعظة قصتي لهم قبل لا يفوتهم الفوت وانهم يخلصون التوكل على الله
واوضح شغلة ثانية في ناس انكرت انه الشيطان يكون سبب لدفع الانسان بالغلط وتزيين الاعمال له
بل لوم النفس ذاتها
وانها لما تصير المصيبة ترمي النفس عملها على الشيطان
صح النفس آمارة بالسوء
لكن الأعمال السيئة والمشي بطريقها وتزينها بنظر الانسان وكأنة الحق والصواب
فهذا من الشيطان
هذا كلام الله عز وجل انه الشيطان عدو لنا ويجرنا للمعاصي
لأنه رب العالمين خلق النفس البشرية اطهر من ابليس واعوانه
يعني التحريض لفعل السيئات يجي من الشيطان
وهنا النفس ممكن تضعف وتنجر وراه
وهذا اللي صار معي ويصير مع أكثر الخلق لكن اهم شي ننتبه ومانظل ماشيين وراه
قال الله تعالى
( يَا أَيُّهَا الَّذِينَ آمَنُوا لا تَتَّبِعُوا خُطُوَاتِ الشَّيْطَانِ
( وَمَنْ يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنْكَرِ)
وقال تعالى:
(وزين لهم الشيطان ماكانوا يعملون)

لكن الحمدلله صحيت وكنت اقوى من انجرافي وراء خطوات الشيطان
بتعوذي منه بالله السميع العليم
[ندعوك للتسجيل في المنتدى أو التعريف بنفسك لمعاينة هذه الصورة]
في بداية فجر اليوم الذي انكشف فيه امري عند اهلي
قد صليت الفجر (ومن صلى الفجر فهو في حفظ الله)
وذكرت الاذكار واية الكرسي والإخلاص والمعوذات التي تحفظنا من شر الدنيا والآخرة
وسبحان الله بعد الساعة 12 بالليل صار ماصار وانكشف أمري
في نفس الوقت اللي كان اخوي يكلم فيه المتصل
انا صحيت لنفسي وبديت اخاف من اللي رح يصير
صرت اقول بنفسي يارب انا صليت الفجر واللي يصلي الفجر يكون في حفظك
(صح اليوم انتهى ودخلنا بيوم جديد لانها تعدت الساعة 12)
لكن كنت ادعي يارب ارجوك احفظني
واقرأ اية الكرسي
لانها سبحان الله تحفظ من كل سوء

وفعلا رب العالمين حفظني صح انكشف امري
لكن ربي حفظني من ردة فعل اهلي
الكثير استغرب من ردة فعلهم
ووصفوها بالباردة
لكن هي الحقيقة من أثر الادعية والاذكار
صح مامنعت اللي صار (لان حدوثه ووقوعه خير لي لصحوتي من الغفلة ولردعي عن ما أفعل)
إلا انها لطفت من امر ماحدث
وجعل الله أهلي عون لي ورئفوا بي وبتعاملهم مع اللي صار
--------------------------------------------

بعد ماتركت الطريق الغلط ورجعت لربي ووكلت أمري كله لله ودعيت بان يرزقني بالزوج الصالح
انخطبت عن طريق ناس يعرفونا
ولكن مثل ماقلت لكم كان اللي خاطبني أمرة غامض
(والفترة اللي انخطبت فيها كنت اعرف فيها هذاك الشخص ا
للي ساومني بالصورة على زواجه انا طبعا حافظت على عهدي لربي ومارضيت ارسل له
وندمت اني رخصت نفسي ورجعت للطريق بعد ماتبت منه)

تركته واستغفرت الله لي وله
وركزت على الشخص اللي خطبني عن طريق معارف لنا..
قلت بنفسي وظنيت (وماكان ظني بمكانه)
انه هذا الانسان هو اللي خير لي لأنه جاني من الله
ماجاني بعمل مني ولا من طريق تعرفي على احد من المواقع

وفعلا صارت الشوفة..
واستخرت فيه وكنت مبسوطة جدا لانة جاني بوقت كنت محتاجة فيه
الستر ولملمة نفسي اللي ضاعت مني وبوقت
كنت ادعي فيه ان الله يعوضني ويرزقني بالزوج الصالح في دنياي واخرتي

ومثل ماقلت لكم طلب من اهلي يكلمني قبل ملكتنا بكم يوم..اسبوع بالكثير
واهلي وافقوا..انا هنا حسيت اللي بينا مافي شي حرام لأنه بعلم اهلي..
مو كل اهلي بس امي وابوي
لكن طالت مدة جيتهم اللي اتفقوا عليها
ومشى اسبوعين وماجاه لا هو ولا اهله مثل ماوعدونا ولا حتى اعتذروا على التاخير
أنا هنا اهلي قالوا لي لا تكلمينه..
واذا يبيك يجي واذا مااتصل واعتذر على تاخيرة ماعاد نبي نعطية

....
أنا هنا ضاقت فيني الدنيا..
عقب ماكلمني وعلق قلبي فيه..وصدقته واستبعدت انه مايبيني
لأنه ابدى اعجابه وشروته لي من بين الناس
ولأني ماعرفته عن طريق النت او عن طريق نفسي هو عرفني وخطبني عن طريق معارفنا
فمستحيل يكون كذاب او لعاب

الفترة اللي خطبني فيها

عاهدت ربي شكر له اني ابطل عن بعض الاعمال السيئة اللي كنت اعملها
علشان رب العالمين يسهل امري وزواجي وستري

وفعلا اول شي سويته..قلت بنفسي ملكتي بعد اسبوع مثل ماقالي
فليش مااشكر ربي انه رزقني واترك العادة السيئة نهائيا..
انا اصلا كنت نااااااااادرا مااسويها ويمر شهر وشهرين على عملي لها لخوفي من الله
وكان اثر التوبة يردعني عن فعل المعاصي سبحان الله

وثاني شي سويته..ماوقفت عن الدعاء والاستغفار والذكر
خاصة لا إله إلا انت سبحانك اني كنت من الظالمين
رغم اني كنت مخطوبة واكلمه (بعلم اهلي)وبينا حب واحترام متبادل

بس كنت ادعي اذا هو الزوج الخير لي يتسهل امري ماابي الحب يعميني
مااابي اختاره بإسم الحب ابي اختاره باسم الله وحده توكلت عليه حق التوكل
بعد ماكنت ابي ادور لي زواج بنفسي عن طريق الحب
الحمدلله اللي صارلي صحاني من داخلي قبل لا يصحيني من اعمالي
وانه ربي يغفرلي ولا يعاقبني بمااذنبت ولا بما كسبت ايدي..

لاني بديت احس من تاخير موعد الملكة علامات ومعوقات لأمر زواجي منه
وانه لعله مافي خير لي..رغم تعلقي فيه ورغبتي الشديدة بالزواج منه
بس الحمدلله حبي له مااعماني عن اللجوء والتوكل على الله في تسخير الخير لي حيثما كان
لو ان شاء الله اني مااتزوج

وثالث شي سويته..امي وابوي حطيتهم على راسي وابرهم لو بالدعاء بصلاتي والاستغفار لهم
اتجنب كل السوات اللي كنت اسويها بحقهم من رفع صوت وتذمر ومراددة
لو حتى هم اللي غلطو بحقي..اسكت ولا ارد
وورضيت بداخلي على كل شي ربي عطاني اياه
وصبرت واحتسبت لكل مصيبة تصيبني ان كانت صغيرة ولا كبيرة مااتذمر وااحمد الله

ورابع شي سويته كنت احاول اتصدق بأي شي لو حتى ابتسامة بوجه غيري
اوحتى بذكر اللهم صلي على نبينا محمد عبدك ورسولك وصلي على المؤمنين والمؤمنات والمسلمين والمسلمات


لأنه بالنهاية هذه التصرفات والاعمال تثبت رضاك وعدم زجرك على قدرك اللي يصير في حياتك

وخامس شي سويته احسنت الظن بالله وتيقنت انه ربي مارح يتركني اضيع او يكسر بخاطري
او يكون نصيبي شر لي..وبيرزقني اللي استحقه واكثر مماااستحق
وتيقنت بإجابة الدعاء وان طالت المدة بتحقيقه

وطبعا الاغاني والمسلسلات وكل هالمساخات هذه الحمدلله تركتهاولا عاد في قلبي لها هوى
......................

كان اللي خاطبني حذر بتعامله وكلامه معي وماحسيت منه إلا كل حب وصدق..
كان يقولي انه حافظ للقران وملتزم بصلاته ويخاف على شرف البنات
ولا يرضى لهم اي اسائة ومن هالكلام اللي يبرز شخصية الرجل جميل في نظر الانثى
وكأنه فار س احلامها من الخلق والدين

وسبحان الله بقدرة قادر يقطع فجاة هو واهله من بعد ماخطبني وعلقني فيه لمدة 4 شهور
ادق ولا يرد ولا يعطي خبر

زعلت وبنفس الوقت احسنت الظن انه ربي يبي يعطيني الاحسن منه..واصبر نفسي بقول الله عز و وجل
(عسى ان تكرهوا شيئا وهو خيرا لكم)

ارسلت له رسالة قلت فيها ياابن الناس انا مو زعلانة انك قطعت من غير استئذان...
انا صح احبك وابيك وانت تخليت عني فجأة
لكن عسى ان تكرهوا شيئا وهو خير لكم
وماابي منك غير المعذرة والسموحة ان اخطيت انا او احد مني بحقك

اتفاجأ انه يرد ويرسل انا مو زعلان منك ولا شفت مثلك وانت اجمل انسانة اشوفها بحياتي
لكن اللي صار مني هو ردة فعل لبعض الامور اللي ضايقتني من اهلك وبكلمك بكرا واقولك

وفعلا كلمني وقالي انا قطعت لانه اهلك طلبوا منك ماتكلميني قلت أي من حقهم
لأنك وعدتنا وماجيت ولا حتى اعتذرت عن التاخير اهلي من حقهم يخافون علي
قال يعني انا لعاب وشكيتوا فيني وبأخلاقي وهذا الشي ضايقني
وانا محتاج ارجع اعيد التفكير بالارتباط فيك لأنه هشي مو قليل بحقي

قلت طيب انا بكون معك لين تقرر
متى تقدر تعطيني قرارك
قالي ليش مستعجلة
قلت لأنه مكالمتي معك الحين من ورا اهلي وماابي العلاقة تطول
قال طيب بسألك امك قالت لأمي في ناس من قرايبكم خاطبينك هشي صحيح
قلت وانت وش يهمك دام انا اخترتك وابيك
قالي بس ردي عليه قلت ايه بس انا ماوافقت علشان ابيك
قاااال طيب وش المناسبة امك تقول هالكلام لإمي دام انا خاطبك
قلت لانك قاعد تماطل بجيتكم وملكتنا
وامي حبت تبين لأمك انها تبيكم من بين الناس وبدتكم على قرايب لنا..
قال لا هذه اسمها سلعه..لما تقولون هالكلام
قلت له ياسلاااااااااام انا صرت سلعة علشان اخترناكم نسايبنا من بين الخلق
واثبتنالكم هشي بالكلام هذا قمت حسبتها سلعة بأي تفكير قاعد تفكر
قال انا كذا اشوف
قلت له طيب زين انك تعرف في غيرك طالبني علشان تتخذ قرارك معي هاليومين ومااطول
انا مافيني شدة اعلق قلبي اكثر من كذا
قالي بعد يومين اردلك

ولا عااااد اتصل قمت انا اتصلت قلت له شف ياابن الناس
اذا انت ماتبيني صارحيني مافيها شي ومثل ماعرفنا بعض بالمعروف نترك بعض بالمعروف

فقالي لالالالالالا انا ابيك يابنت الحلال بس محتاج فترة افكر فيها مع نفسي اكثر
وممكن اشوفك على كام المسنجر

(قلت بنفسي تخسى تشوفني على الكام)

ورديت عليه ماعندي كاميرا بعدين انت مو شفتني وجها لوجه
ليش تبي تشوفني على الكام
قال هاااااا لا خلاص تنسي الموضوع

وكنت اكلمه كل يوم من ورا أهلي طبعا((وللأسف هذه اكبر غلط ضيعني وحطيت نفسي فيه)
لانه اهلي على بالهم خلاص تركنا من يوم ماقطع هو وأهله فجأة
وقعدت اكلمة لمدة اسبوعين يوميا

وااقولة انت تحبني فعلا وتبيني مثل ماتقول قاال أي اكيد
قلت طيب ليش ماتريحني وتقول اللي ناوي عليه
انا الحين صار موقفي صعب
انا الحين صرت بين نارين
بين نار موافقة اهلي عليك
لانك قطعت فجأة وخلفت بوعد جيتكم ولا اعتذرتوا فأهلي صارت موافقتهم صعبة
والنار الثانية جاييين قاريبنا نهاية الاسبوع يخطبون وانا ماااقدر ارفض من غير سبب
واذا صارت الشوفة تدري وش معناها انه خلاص اللي بيني وبينك انتهى

قالي اعتبريني من بين عشرات الخطاب واختاري
قلت طيب انا اخترتك انت شفيك مو مصدق ولا واثق بكلامي
قالي انا واثق فيك بس محتاج اعيد التفكير بزواجنا
قلت ياابن الناس مافي وقت والتأخير مو من صالحك
اذا اهلي موافقين اليوم مستحيل يوافقون بكرا بسبب تأخيرك من دون اعتذار ولا اشعار
واذا انا اليوم اقدر اكلمك ممكن بكرا مااقدر وينكتبلي نصيب مع غيرك

ورغم كذا حسبي الله ونعم الوكيل ظله معلق قلبي فيه
لاهو قايل ابي اجيكم واملك عليك ولا هو قايل انا ماعاد ابيك
وانا مثل المغفلة اكلمه كل يوم
على وعوده الواهمة لي بحبة وعشقه لي
كان يقول والله اني احبك ومافي مثلك بهالكون
بس انا ماخذ على خاطري من اهلك
قلت له لا تتحجج واللي يحب مافي شي يغير من حبه
قالي أي انا لو مااحبك مارجعت اكلمك وكان من هذاك اليوم قطعت ولا رجعت
قلت له طيب بعد يومين جايين قرايبنا
انت متى ناوي تقولي على اللي عندك
حرام عليك كافي معلقني
انت بس قولي انك شاريني لأبيع كل الناس لأجلك
قالي خلاص اكلمك بكرا واقولك قراري وترتيب اموري
قلت طيب

(تدرون يابنات رغم اني كنت اكلمة وكان بينا حب وكان هو يقولي انه يحبني ويبيني)

بس سبحان الله اللي صارلي من قبله ومن اللي شفته من اللي عرفتهم ماعاد اعطي احد الامان
كنت رغم اني ابيه وظانة انه الزوج اللي احلم فيه وانه يجنن ولا في شي ينعاب
جمال واخلاق ومال ومركز وكل شي بكل شي
وكنت ظانه انه الفرج لانه جاني بعد مادعيت ان الله يرزقني بالزوج الصالح
لكني استمريت بالدعاء والاستخارة ولا وقفت ولا ليله على قيام الليل وانا اقول
اللهم بارك لي فيما اعطيت وقني شر ماقضيت انك تقضي ولا يقضى عليك
كنت كل يوم بالليل ادعي وابكي

مااادري هل هذا الرجل الفرج واللي رح يعوضني
وربي رزقني فيه بعد دعائي وإلحاحي
ولا هل هذا الرجل عقاب على اعمالي
ولا هل هو بلاء وامتحان على توبتي ورجوعي لله

كان قلبي طول الفترة اللي اكلمه فيها من ورا اهلي محروووووق(اسبوعين)
ماادري اظل اكلمه إلين يقرر ويرتب اوضاعه
ولا اتركه واستخير باللي يبي يخطبني
ماقدرت استخير باللي يبي يتقدملي من قرايبنا لأني بإختصار قلبي اختار هذاك الانسان
وعلى بالي هو الخير لي وحبي له يكفيني ويسعدني
بس ماوقفت دعاء قنوت الوتر
وانه يارب اذا هو خير لي يتسهل امري عاجلا غير آجل
يمكن الخير لي بمكان وانا اختار بمكان ثاني واندم بعدين
يمكن الخير ربي يعطيني اياه وانا ارفسه واضيع بإيدي
يارب انت شايف حرقة قلبي وعارف اني ماابي اغضبك ولا اعيش علاقة حب وغرام يارب انا امابي غير الستر والزواج يارب ماابي غير الزوج اللي يحتويني ويكون لي لباس واكون له لباس



[ندعوك للتسجيل في المنتدى أو التعريف بنفسك لمعاينة هذه الصورة]'

تسلم اخي حلوة القصة[ندعوك للتسجيل في المنتدى أو التعريف بنفسك لمعاينة هذه الصورة]

تسلم اخوي قصة رائعة ليس غريبا عنك فانت دائما مبدع

السلام عليكم

اتمنى اعجبتكم القصة واستفتو منها كثير
وتسلموا على مروركم الجميلة وعجابكم بالقصة وكلماتكم البسية والجميلة
اجمل شي انكم كونتوا موجودون في الموضوع هدا اهمي شي
تسلموا على مروركم
[ندعوك للتسجيل في المنتدى أو التعريف بنفسك لمعاينة هذه الصورة]

تسلم اخويا على القصص جيملة

تقبل مروري

السلام عليكم

هلا بيك بيننا
وشكرا على مرورك الجميب تسلم اخي نتضر مرور كمان
بتوفيق

السلام عليكم

هدي هي علينا قراتها ونحكم على الموضوع
حب على النت
بتوفيق