انا اليوم جايبلكم قصة اخت حكتها بصدق وندم ارادت بها النصيحة لك.......؟

[ندعوك للتسجيل في المنتدى أو التعريف بنفسك لمعاينة هذه الصورة]



بنات هذه قصتي حبيت اكتبها هنا مو علشان دعوة او نصيحة

حبيت اكتبها لكثر الأهات اللي بقلبي على الندم

وابيكم تستفيدون ابيكم اللي صارلي تتعلمو منه

على القول

السعيدة من تعلم من تجارب غيرة وليس من تجاربة



بنات تحملوني بكتب قصة ضياعي على اجزاء لانها سلسلة سنين مو يوم ولا شهر ولا حتى سنة

بكتبها وانا قلبي مكتوم من الندم والقهر والحسرة على مشيي ورا خطوات الشيطان من غير مااحس



كنت امشي ورا الشيطان خطوة بخطوة وكان حالي انه ماااشوف اني اسوي شي غلط كان مزين لي أعمالي..عشان مااحس انه فيها معصية للخالق



آآآآآآآآآآآآه يابنات قلبي ضيعته بإيدي وغفلتي



حالي حال باقي البنات ابي احب وانحب

ابي اعشق وانعشق

من هنا بدا الشيطان يعمل عمايله



اول ماخطت نفسي على الغلط كان هو النت

انا الحمدلله انسانة ملتزمة واخاف ربي بخطواتي

بس الشيطان الله يلعنه شاطر



كنت ادرس بالجامعة وكان عمري 18وتعرفت على واحد بمنتدى الجامعة مااعرفه ولا يعرفني..بس دخل قلبي وتطورت العلاقة من زمالة لصداقة لرسايل بالمنتدى للجوال..

بعد كم مكالمة قلت بنفسي ليش انتي يا ملامح تسوين كذا..واذا يعني دخل قلبك وحبيتيه تقومين تغضبين ربك وتخونين اهلك

وصرت ابكي على نفسي ابي اصارحه واقوله انت ايش هدفك من مكالمتي ونويت بقلبي اذا زواج بصبر معه من غير تواصل واذا صداقة وعشق بتركه..وادوس على قلبي ومشاعري

وبالفعل سألته وقالي ابيكي صاحبة لي ملهمتي

قلت وش يعني قالي يعني نبقى كذا

قلت طيب والزواج وش يعني لك قال انا مطلق ومارح اعيد التجربة..



من هنا انا فهمت

وسكرت السماعة

ونويت اتركه وبكييييييت على نفسي وغبائي وتعلق قلبي فيه

كان اول رجل بحياتي..كان كل حرف منه بالنسبة لي جنة وماينتسى

اكيد لانه كانت مشاعري عذراء وقتها



..........



تركته وبعد سنتين رجعت له قلت يمكن يبيني

لقيته مثل ماهو..

ورجعت تركته سنة وكلمته قلت يمكن حن لي مثل ماانا احن له لقيته مثل ماهو

وقتها تأكدت اني عايشة بوهم وخرابيط العشق لمجرد اني عطشانه للحب ومحتاجه له

......

وبعد هالثلاث سنين هذه صارعمري 21 وبديت احس بفراغ عاطفي كبير..كنت ادخل المنتديات واحط الشحنة العاطفية بقسم الادب والشعر..

ظليت عايشة بقهر واحس نفسي ناقصة عن باقي البنات ليش للحين ماانخطبت ليش للحين مافي رجال يحبني ليش ماتزوجت وليش وليش؟؟؟

حاولت اشغل نفسي عن هالتفكيربس ظل الشيطان يلاحقني

واقول انا شكلي مابتزوج على هالحال مااكلم احد ولا يعرفني احد شلون بنخطب انتي عايشة بغربة ومالك قرايب

انتي منعزلة عن الناس واذا ظليتي كذا عمرك مارح تتزوجين ولا تعرفين وش هو الرجال



ارد اقول بنفسي بالطقاق وش بيصير يعني

من زينهم هالرجال



وارد اعيش بفراغ عاطفي

انا بالنهاية انثى وابي رجال يحتويني...يفهمني..يقدرني..يحس فيني..ويرفع من شأني كأنثى..



من هنا قلت وش فيها لو تعرفت على شاب من النت

طبعا بالواقع لا يمكن اني اتعرف على احد لانه مثل ماتعرفون مجتمعنا مغلق..ومحافظ..ومافي اي اختلاط..



بنفس الوقت انا ابي الزواج ماابي اعيش بحب وبعشق وتاليتها نفترق ومايكون جاني إلا عذاب القلب والضمير..اكون اغضبت ربي بعلاقة مو مشروعة لي واكون خنت أهلي واكون معذبة قلبي بعشقة..



خاصة بعد تجربتي الاولى من الحب واني اكتشفت ماجاني إلا ضياع نفسي وتوهمي بالحب..وانكساري فيه وعذاب قلبي



وبديت ادور بالحكم الشرعي للأشتراك بمواقع زواج

قريت فتوة وحده انه حلال دام الهدف بالنهاية يجمع بين اثنين بالحلال.

.لكن للأسف انا فهمت الفتوة غلط وحرفتها على كيفي بطريقة اني اكون بشكل مباشر مع الرجل..من غير وسيط ولي الأمر..فبتالي الشاب رح يستغل البنت عن طريق الموقع هذا



ومن هنا انا بديت اضيع



في بداية اشتراكي

قلت لازم احافظ على نفسي ومااكلم احد بالصوت بس بالمسن كتابي..وماارسل صورتي لأي احد..حتى معلوماتي عني مارح يعرف إلا بعد مااتاكد من صدقة واتاكد انه دخل قلبي



مالقيت احد معطيني وجه..بإختصار لانهم مالقو فيني البنت اللي يقدرون يستغلونها لو حتى بالشات..كنت جازمة اللي احسه مو صادق مارح اخليه يعرف عني شي..وبالفعل كل ماتعرفت على احد وتكلمنا كم كلمة كتابي التمسته راعي خرابيط ويبي بس يحب ويعشق..

المهم صار عمري 22 وانا مااحس اني استفدت شي من موقع زواج غير وجع القلب والناس اللي ترفع الضغط



بعدين قلت معقول كل اللي بالموقع لاعبين يمكن يابنت المشكلة منك لانك محافظة ولا قاعدة تعطينهم وجه كيف الواحد يبي يخطبك وانتي منشفة الراس لا صورة ولا صوت ولا حتى كلام انثوي

وبدى الشيطان يوسوس..بالطريق هذا

وفعلا انجريت وراه وغيرت اسلوبي بالموقع وصرت اكتب بالمسن واعرض صروتي فيه..الله يلعن الغباء والجهل..على بالي اذا حطيتها بصورة العرض مارح تنحفظ عنده لكن طلعت غبية وطلع في برامج تحفظ الصور اللي تنحط بالمسن رح تعرفون كيف عرفت هشي بعدين..



وفعلا اتعرف على الواحد وانا صادقة كل الصدق وبعد مااشوف صورته ويشوف صورتي..طبعا كنت اورية صورتي من باب انه من حقه يشوفني دام يبي الزواج اعتبرها شوفة شرعية على كيفي احلل الامور هذا الشيطان لما يزين اعمالنا

ونتكلم كم يوم القاه يتهرب يعني مااستفدت إلا فضيحةعمري يوم اورية صورتي بالمسن

بعدها صرت افكر ليش ياملامح كل ماتعرفتي على احد تهرب بعد كم فترة رغم انه يشوف صورتك ويعجب بشكلك

اكيد السبب لاني مااكلمة بالجوال

اجل خلاص لازم اكلم علشان يستمر معي ولا اضيع على عمري فرص الزواج

وكالعادة الشيطان يلعب دورة بالوسوسة وانا بكل جهل امشي وراه

وتتطور وضعي صرت اكلم لا وبعد ارسل صورتي وسائط

النت والمسن ماعاد اتعامل معه..



بس كنت حذرة ماارسل صورتي إلا للي احسه جاد وعنده شرف

ولما كانت علاقتنا تنتهي اطلب منه واحلفه يحذف صورتي والحمدلله يحذفه على حلفة لي

طبعا كان السبب اني كل ماتعرفت على احد وكلمته علاقتنا تنتهي لأني كنت جازمة بنوع مكالمتنا مايكون فيه اي سوالف ماسخة وخارجة عن الحيا وطبعا هشي مايعجبهم لانهم هم يكلمون لانهم يبون سوالف العشق والغرام مو الزواج مثل مايدعون



بالعشق وكلام الليل تلقينهم طوابير وبالزواج والجد تلقينهم يتهربون



قلبي تعب وانا من واحد لواحد اتعرف واكلم

طيب وبعدين وش نهاية المشوار الغلط بغلط

قررت اترك الموقع..وقبل لا اتركه تعرفت على واحد فيه يشتغل مذيع على قناة السعودية..تعلقت فيه وكان يعجبني لأنه مذيع وله برامج..كنت اكلمه بالجوال بشكل قليل طبعا شاف صورتي بالمسن بالعرض وطلبها مني ارسلها على الجوال وللأسف ارسلتها



كنت كل مااكلمه يتهرب ويختلق امور لتبرير عدم اتخاذ قراره بخطوة الزواج اتجاهي..



قلت بنفسي خلاص انا ماعاد ابيه لو حتى هو يبيني لأنه قاعد يعذب قلبي ويجرني لمعصية الله بإستمرار علاقتي معه من غيرمايقولي وش ناوي عليه



كان هو اكثر واحد طولت معه بالمكالمات

كانوا اللي قبله كلهم بعد مااتعرف عليهم والقاهم يبون تعارف وصداقة وخرابيط اسحب عليهم واتركهم بعد اسبوع بالكثير من تعرفنا على بعض

وكان هو الوحيد اللي عجبني وجذب قلبي..يمكن لانه مذيع ومثقف ماادري وش السبب المهم اني تعلقت فيه..وتركت موقع الزواج علشانه..رغم انه ماكان صريح معي بزواجنا..بس لأني انا تعب قلبي ..ونويت انهي مشواري اللي بديته بهالموقع



المهم كنت اكلمة بالاسبوع مرة

واقول صير صريح معي وقولي انت تبيني فعلا وحبيتني ولا كيف؟؟



يحلف انه يحبني وانه اروع انسانه شافها ومن هالكلام اللي ينضحك فيه على البنات..وانا اصدق



بعدين يمشي شهر ورا شهر..بالحب والسوالف القاه

وبموضوع الزواج يتهرب ويتعذر وانه يبي بس مجرد ماظروفة تسمح رح يجي يخطب..وانا اصدق

كل هذا لاني حبيته



بالأخيرلما طالت المدة وصار فوق الخمس شهور واحنا نعرف بعض واخر فترة دايما مشغول عني ومايكلمني بحكم شغلة وانشغالة بالتلفزيون صرت احس انه يكذب عليه وانه في بنات كثير بحياته مو بس انا ويبيني معشوقته وسوالف جوال واذا قدر ياخذ اكثر مارح يقصر

فقررت اتركه والعين تبكي عليه وماكان يستاهل الدمع

قلت اختبره بصدقه وكذبه وهل فعلا يبيني زوجه وشارني مثل مايقول بس ظروفه حاليا تمنعه يجي يخطب



وفعلا الايام بينت لي انه بس يبيني اعشقة واتعلق فيه

تركته وطلبت منه يحذف صوري وحذفها



وبعدة فترة طويلة كلمته وقلتله انا اتصلت عليك بس علشان اتاكد ان حذفت صوري مثل ماحلفت لي

قالي بصراحة حذفتهم بس اللي بالنت عندي لا قلت انا ماارسلت لك على النت قال إلا صورتك اللي بعرض الماسنجرتذكرين لما حطيتها لي اشوفها طلعتها من برنامج عندي..ومحتفظ فيها وبصراحة حنيت لك مرة واشتقت لك

قلت طيب ممكن تحذفها..بالبداية رفض بس بعد كم اقناع مني وافق..



ودعيت له بالتوفيق



طبعا من هذه السالفة انا عرفت شغلة برنامج اللي يحفظ صور عرض الماسنجر



ومن بعدها صرت حذره



رديت بعد فترة افكر ارجع للموقع..

بزحمة هالانكاسارات العاطفية..

كل ماتعرفت على احد تركني

واللي تعلق قلبي فيه تخلى عني

وصروتي شافها اللي يسوى ومايسوى



رجع الشيطان يوسوس لي ويقول هم يتركونك لانك ماتعطينهم وجهم بالمكالمات كله بس اذا تبي تخطب اهلا وسهلا اما تقعد تكلم انا اسفه



ومن هنا رجعت للموقع بتطور جديد اني اذا كلمت احد اعطي وجه وابين له اني حبيته مثل ماحبني لكن بنفس الوقت نويت اذا مالقيت احد صادق من البداية خلاص بلغي اشتراكي واقعد بأرضي

لكن سبحان الله ماطالت هالسالفة إلا وانا من جد أحب انسان اول انسان اكلمة بعد رجوعي للموقع بعد انقطاع

تعرفت عليه وحبيته حب جنوني وكان هو صادق معي اول مرة التقي بالموقع بواحد صادق

وبقيت معه وتركت الموقع



وكان اول انسان في حياتي احبه ويدخل حياتي وكياني ونتبادل المشاعر



كانو اللي قبلة مجرد تعرف واذا تبي تخطب ماكنت ابادل احد بمشاعري كنت دايما محتفظها فيها رغم تبادل الصور والكلام بينا بحدود شوفتي واذا تبي تخطب ولا لا توكل على الله



قلت له تصدق انا نويت اترك الموقع بس الحمدلله عرفتك قبل لا اتركه

وحبينا بعض بجنون



كان يبي يجي يخطبني بعد شهر من مكالماتنا وهشي خلاني اتطمن انه صادق ناحيتي وبخصوص الزواج هذا غير احساسي فيه انه غير عنهم كلهم بس الله شاء وتوفى ولد عمته

بتالي تأجل موضوعنا



وبعد شهر من وفاة ولد عمته امه مرضت وطاحت بالمستشفى

بعد ثلاث ايام من الترقيد توفت

وكانت هنا الفاجعة



حلفت له مااتركه وابقى معه بكل الظروف لو بعد سنين تيجي تخطبني انا بنتظرك ومااابي غيرك



كنت طول هذه الفترة الحب عاميني وامبعدني عن ربي



تعتب وانا اكتب



خلاص بكتب باقي قصتي بعدين



بس رجاء اللي عندها رد يجرح او مزعج توفره لنفسها

موضوعي هذا للي تحب اتابع قصتي وتسمع لها من غير تجريح



بالنهاية انا حابة تشوفون كيف ممكن البنت اتضيع نفسها لحظة ماالشيطان يعميها بوهم الحب والزواج ويخليها تمشي بطريق غلط

وينسيها انه اللجوء لله هو االلي يغنيها ويعفها ومالها حب وعشق غير لخالقها



تابعون لباقي قصتي



إلى اللقاء

[ندعوك للتسجيل في المنتدى أو التعريف بنفسك لمعاينة هذه الصورة].

chokran 2iban lyaman bas atmana tinchor ba9i l9isa
li2ani wala badi akamilha wmachkour ktir

[ندعوك للتسجيل في المنتدى أو التعريف بنفسك لمعاينة هذه الصورة]اريد تكملة القصة لو تفضلت اخي العزيز

تسلم اخوي ابن اليمن دوم مبدع في انتظار بقية القصة

السلام عليكم
اشكركم على مروركم الجميل
[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم

هدي هي علينا قراتها ونحكم على الموضوع
حب على النت
بتوفيق

السلام عليكم
يعطيك العافيه
انا بدي اجل الرد لاعرف تكملة القصه
يسلموووووووووووووووووووووووووووووووووو